Æfingaakstur er af hinu góða og hefur reynst mörgum vel. Æfingaaksturinn er hugsaður sem viðbótarþjálfun við ökukennsluna.
Til þess að æfingaaksturinn skili árangri er nauðsynlegt að sá sem leiðbeinir í æfingaakstrinum þ.e. leiðbeinandinn sé tilbúinn til að taka þetta verkefni og skilji hvað það felur í sér. Sá sem tekur að sér hlutverk leiðbeinandans er í raun að taka að sér þá ábyrgð og þær skyldur sem ökukennarinn sinnir.
Nemandinn ekur á ábyrgð leiðbeinandans. Í æfingaakstri er heimilisbíllinn notaður, en ekki sérútbúinn kennslubíll eins og ökukennarinn notar. Kennslubíllinn er útbúinn ýmsum aukabúnaði s.s. auka pedölum og auka speglum.
Það eru ófá dæmi um það að leiðbeinendur hafi gefist upp á æfingaakstrinum. Til að forðast það er lykilatriði að ökuneminn sé orðinn fullfær um að takast á við umferðina áður en æfingaaksturinn hefst.
Algengt er að nemi þurfi að taka 12 til 14 ökutíma fyrir æfingaakstur og svo 3 til 6 ökutíma til að undirbúnings verklega prófið. Þegar að því kemur.
Leiðbeinandinn þarf að fá heimild lögreglustjóra til að leiðbeina ökunemanum. Leiðbeinandinn þarf að hafa náð 24 ára aldri, hafa gild ökuréttindi í viðkomandi flokki ökutækja og a.m.k. 5 ára reynslu af að aka þannig ökutæki. Leiðbeinandinn má ekki hafa verið án ökuskírteinis síðustu 12 mánuði.